Tag: Lambda.global

Өндөр цалин, тогтвортой ажлын байр чухал ч, ихэнх хүмүүс өөрт тохирсон,  зөв зүйл хийж байгаа мэт мэдрэмжийг өгөх, утга учир, хүсэл тэмүүллийг нь өдөөх ажлыг  илүүд үздэг. Гэхдээ яг яаж өөрт тохирсон, утга учиртай санагдах ажил олох вэ?

Юуны түрүүнд дотоод дуудлага, үнэт зүйл, хүсэл тэмүүллээ ойлгох нь чухал бас түүндээ тулгуурлан ур чадвараа хөгжүүлэх хэрэгтэй. Ихэнх хүмүүс өөрийн хүсэл тэмүүллээ тодорхой хэмжээнд анзаардаг боловч бодит байдал дээр нөхцөл байдал, цалин хөлс, цаг үеийн тренд зэрэг гадаад хүчин зүйлсээс хамаарч ажлаа сонгодог тул утга учир, хүсэл тэмүүллийг ажлаасаа мэдэрдэггүй. Тэгэхээр өөрт тохирсон, утга учиртай санагдах ажлыг олохын тулд доорх энгийн хэдэн асуултуудын хариултыг өөрөөсөө асууж мэдээд- тухайн хариултуудтай  нийцэх ажил, байгууллагыг хайж олоорой. 

Юу танд хамгийн чухал вэ гэдгийг мэдэх

Өөрийн үнэт зүйлсийг ойлгохын тулд  дараах асуултыг өөрөөсөө асуугаарай:

   Би ажил, амьдралдаа юунд хамгийн их үнэ цэн өгдөг вэ?

Жишээ нь:

• Эрх чөлөө ба уян хатан байдал
• Бүтээлч байдал ба өсөн дэвших боломж
• Тогтвортой байдал, аюулгүй байдал
• Бусдад туслах, нийгэмд  хувь нэмэр оруулах

Өөрт хамгийн чухал хүчин зүйлсээ тодорхой мэдэж авснаар цаашид  тохирох ажлаа олох таны “чиглүүлэгч”  болно.

Хүсэл тэмүүлэл, дотоод дуудлагаа ойлгох

Хүсэл тэмүүлэл(Passion)-ээ дагах гэдэг нь  үргэлж догдлолтой, амар зүйлийг хийх биш байдаг. Заримдаа, зөвхөн таны хувьд л гүн утга учиртай зүйлийг хэцүү байсан ч хамаагүй хийхийг хэлдэг. 

Өөрөөсөө дараах асуултуудыг  асуугаарай:

• Би ямар төрлийн асуудлыг шийдэх дуртай вэ?
• Ямар ажлыг хийхэд цаг хугацаа нисэн одох мэт санагддаг вэ?
• Хүүхэд байхдаа хэн ч зааж, зөвлөөгүй байхад юу хийх дуртай байсан бэ?

Таны хүсэл тэмүүлэл тань анир чимээгүйн дунд өөрийн дотоод хүнээ сонсох үед ирэх болно. Та юуг сайн хийж чаддаг, юунд амжилт гаргаж байгаагаас тань ирэхгүй байж болно. Мэдээж таны чадвар маш чухал ч энэ нь таны хүсэл тэмүүллийг бий болгож ч болно, үгүй ч байж болно. Мөн хүсэл тэмүүлэл гэдэг заавал “нэр үгээр” тодорхойлогдох ажил, зорилго байх ёсгүй ба таны амьдрал, ажилдаа хандах “хандлага” эсвэл “утга учир” өгдөг өдөр тутмын жижиг “үйлдэл” ч байж болно. 

Байгууллага, ажлын байрыг үнэт зүйл, хүсэлт тэмүүлэлтэй холбох

Дотоод хүсэл тэмүүллээ ойлгож байгаа бол та ажил хайхдаа өөрөөсөө дараах зүйлсийг асуугаарай:

•    Энэ байгууллага миний үнэт зүйлсийг дэмжих үү?
•    Энэ ажил намайг урам зоригтой байлгаж чадах уу?

Ажил хайж байхдаа, зөвхөн ажлын байрны тодорхойлолтыг бүү хараарай. Тухайн байгууллагын соёл, дотоод уур амьсгал зэргийг ярилцлагын үеэр болон тухайн газарт ажилладаг хүмүүсээс асууж судал. Зөвхөн өндөр цалинд хөтлөгдөлгүй, өөрийн дотоод “хөдөлгөгч хүч”-ийг сонсоорой. 

Өөрийгөө үнэн бодитоор илэрхийлэх

Өөрийн түүхийг үнэн бодитоор илэрхийлсэн CV , Сover Letter-тэй байх. Яагаад тэр ажлыг хийхийг хүсэж байгаагаа чинь үнэнээр нь өөрийн үгээр өгүүлэх хэрэгтэй. 

• Юу таны хөдөлгөх хүч болдог талаар
• Ямар төрлийн ажил танд амьдарч байгаа мэт мэдрэмж өгдөг талаар
• Яагаад тухайн байгууллага, ажлын байр танд утга учиртай санагдаж буй талаар

Ажил олгогчид жинхэнэ “хүсэл тэмүүлэл”-ийг таньж үнэлж чаддаг.

Эцэст нь:

Зөв ажил олоход бүх зүйлийг бүрэн ойлгосон байх шаардлагагүй.Өөрийгөө таньж мэдэх, дотоод дуудлагаа сонсох нь цахим ертөнцөөс хэт хамааралтай өнөө үед амаргүй  тул хичээл зүтгэл, цаг хугацаа шаарддаг.

Олон төрлийн ажлыг туршиж үзэн, өөрийгөө бага багаар таньж мэд. Бүх зүйл тодорхой байх албагүй — гол нь энгийнээр бодож, сэтгэл зүйн хувьд бэлэн, нээлттэй байх нь л чухал.

Гадаадад олон жил ажиллаж, сурч, амьдарч байгаад Монголдоо буцаж ирэхэд олон төрлийн мэдрэмж төрдөг. Зарим зүйлс танил санагдах ч, хөдөлмөрийн зах зээл, мэргэжлийн орчин тийм ч их тодорхой, ойлгомжтой санагдахгүй байж мэднэ.

Гадаадад хуримтлуулсан мэдлэг, туршлагаа эх орондоо хэрэгжүүлнэ гэсэн хүсэлтэй эргэн ирж буй хүмүүс олон бий. Гэвч Монголын өнөөгийн хөдөлмөрийн зах зээлд хэрхэн дахин нэвтрэх вэ гэдэг нь тодорхой бус байдаг. Хэрэв та яг одоо ийм асуудалтай тулсан байгаа бол дараах хэрэгцээт, бодит зөвлөмжүүд танд тус болно.

 1. Боловсрол, туршлагаа зөв “илэрхийлж” ойлгуулах 

Гадаадад сурсан, ажилласан туршлагынхаа үнэ цэнийг харуулахын тулд тэдгээрийг Монголын нөхцөлд тохируулан тайлбарлах хэрэгтэй.

🎓 Хэрэв та гадаадад сурсан бол:

Мэргэжлээ Монголын ямар салбаруудад хэрхэн ашиглаж болохыг товч тодорхой тайлбарла. Дипломын ажил, судалгаа, төслүүдээс практик жишээ оруул. Сурсан программ, ур чадваруудаа тодорхой бичиж болно.

💼 Хэрэв та гадаадад ажилласан бол:

Албан тушаал, үүргээ Монголын байгууллагуудад ойлгомжтой хэлбэрээр тайлбарла. Үр дүнгээ тодорхой  илэрхийл (ж. “Хэрэглэгчийн гомдлыг 40%-ар бууруулсан”). Ажилласан аргачлал, системүүдээ (CRM, Agile, Notion гэх мэт) дурдаад, хэт их гадаад үг хэллэг ашиглахаас зайлсхийх хэрэгтэй.

Зөвлөмж: Гадаадад байсан гэж өөрийгөө хэт үнэлэхээс илүү, ямар асуудлыг хэрхэн шийдсэнээ ойлгомжтойгоор илэрхийлж чадвал таны туршлага илүү үнэлэгдэнэ.

2. Одоогийн хөдөлмөрийн зах зээлийг судал

Магадгүй, та сүүлд Монголд ажилласнаас хойш олон зүйл өөрчлөгдсөн байж мэднэ. Старт-ап орчин илүү идэвхтэй хөгжиж, гадаадын компаниуд илүү олон Монгол ажилтантай болж, олон улсын жишгийг даган дижитал ур чадвар эрэлттэй болсон. Гэвч ажил олох нь одоог хүртэл танил талаараа шийдэгддэг байдал хэвээр байх магадлал өндөр гэдгийг ойлгох нь чухал.

Зөвлөмж: Lambda Global, Zangia,Worki, LinkedIn зэрэг платформоос ажлын зар харахтай зэрэгцэн тухайн салбарт ажиллаж байгаа хүмүүстэй холбогдоорой. Найз нөхөд, хуучин хамтран ажиллагсадтайгаа холбогдох нь мөн чухал.

 3. Танилын хүрээгээ дахин босгох(networking)

Хэрэв та олон жил гадаадад байсан бол таны хуучин танилууд өөр салбар луу орсон, эсвэл бүр холбоо тасарсан байх магадлалтай. Тэглээ гээд та санаа зовох хэрэггүй. Жаахан цаг орох ч, шинээр танилын хүрээгээ бий болгоход л болно. Арван жил, их сургуулийн ангийнхан, хамтран ажиллаж байсан хүмүүс, багш нар зэрэг ойрын хүрээллээсээ эхлээрэй. Тухайн салбарын арга хэмжээнд оролцож, сургалт, сайн дурын ажилд нэгдэх боломжуудыг ашиглаарай.

Зөвлөмж: Танил талаараа ажил хайхыг буруугаар бодох хэрэггүй. Монгол гэлтгүй, дэлхийн хаана ч “networking”- хийнгээ ажил хайх нь хэвийн зүйл байдаг. Танилын хүрээгээ тэлж, олон нийтийн дунд байж чадвал боломж өөрөө ирэх магадлалтай.

 4. “Reserve Culture Shock” -д орох магадлалтайг санах

Мэргэжлийн орчны Монгол соёлд дахин дасан зохицох хэрэгтэйг та сайн ойлгож байсан ч, сэтгэлзүйн хувьд хүнд сорилтуудтай тулгарч мэднэ. Удирдлагын хэв маяг, удаан шийдвэр гаргалт, эсвэл хэт илэн далангүй шүүмжлэл гэх мэт зүйлс танд бухимдал төрүүлэхээр санагдаж болох талтай. Эхэндээ танд эх орондоо эргэн ирсэн ч гадны хүн мэт мэдрэмж төрөх болно. 

Зөвлөмж: Монголд эргэн ирэх энэ үеэ шинэ соёлд дасан зохицох үйл явц мэтээр хүлээж аваарай. Монголын бодит нөхцөл байдлыг хэт их шүүмжлэлтэй хүлээн авалгүй, өөртөө дасан зохицох хугацааг харамгүй өгөөрэй. 

5. Гадаадын туршлагаа даруугаар ашиглах

Та зөвхөн гадаадад эзэмшсэн боловсрол, туршлагаасаа гадна, гадаад хэлний өндөр мэдлэг, олон улсын орчинд ажиллах арга барил, асуудлыг шийдвэрлэх уян хатан байдал, ёс зүйн арай өөр ойлголтыг ч авч ирж буй юм. Энэ бол асар их давуу тал. Гэхдээ эдгээр давуу талаа зөв цагт, зөв байдлаар хуваалцах хэрэгтэй.

Дотоодын байгууллагын хэв маягийг хэт их шүүмжилж, “гадаадад ингэдэг” гэж яривал бусдын эсэргүүцэлтэй тулгарах магадлалтай. Харин “Бид ийм асуудалтай тулгарч байхад тэгж шийдэж байсан, Монголд ингэж туршиж үзэж болох болов уу?” гэх байдлаар хандвал илүү үр дүнтэй.

Эцэст нь:

Эх орондоо эргэн ирж байгааг “бүхнийг тэгээс эхэлж байна” гэж хэт хүндээр хүлээн авах хэрэггүй. Та амьдралынхаа нэлээд том бэрхшээл, дамжлагыг туулж, өөрийгөө хөгжүүлээд ирж байгаа. Хамгийн чухал нь энэхүү туршлагаа Монголын нөхцөлд ухаалгаар, уян хатан байдлаар хэрэгжүүлэх явдал юм.

Lambda Global таныг дэмжихэд бэлэн байна. Бид гадаадад амьдарч, ажиллаж байгаад эх орондоо ирсэн олон залуустай хамтарч ажилладаг. Хэрвээ та одоо энэ замыг туулж яваа бол ганцаараа биш гэдгээ санаарай. Монголд таны туршлага, таны дуу хоолой, таны хувь нэмэр хамгийн их хэрэгтэй.

Энд дарж Lambda.Global-д ажил олгогчоо нэгдээрэй.

Хөдөлмөрийн зах зээл нь өнөө үед хурдтай өөрчлөгдөж, технологийн дэвшлүүд, шинэ ур чадварууд шаардлагатай болсноор байгууллагуудын хувьд шилмэл мэргэжилтнүүдийг олох, тэднийг оновчтой сонгох нь улам бүр хүндрэлтэй болж байна. Хэдийгээр ажил хайгчдын тоо нэмэгдэж байгаа ч нөгөө талдаа тэдний ур чадвар, туршлага, хувь хүний онцлог нь компанийн хэрэгцээг хангах хэмжээнд байхгүй байгаа нь түгээмэл байна.  Технологийн шинэчлэл, цаашилбал хиймэл оюун ухаан, автоматжуулалт, дижитал шилжилт зэрэг нь мэргэжилтнүүдээс өндөр ур чадвар, дэвшилтэт мэдлэгийг шаарддаг. Энэ бүхий л нөхцөлд байгууллагууд ямар мэргэжилтэнг сонгох, хэрхэн зөв хүнээ олж авах нь компанийн амжилттай өсөлтийн гол түлхүүр болж байна.

Тэгвэл Lambda.global нь байгууллагуудад хамгийн шилмэл талентуудыг оновчтой, хурдан сонгох боломжийг олгохоор зах зээлд анх гарч билээ. Ламбда нь мэргэшсэн, туршлагатай талентуудыг бүрдүүлж эдгээр мэргэжилтнүүдийг хиймэл оюун ухаан, боловсронгуй шалгаруулалт, ур чадварын нарийн шинжилгээний тусламжтайгаар таны хэрэгцээнд хамгийн тохиромжтой хүмүүсийг танилцуулдаг. Энэ нийтлэлд танай байгууллага яг одоо Ламбда-д нэгдэх 5 чухал шалтгааныг танилцуулж, байгууллагуудад ямар давуу талууд хүртэх боломжтойг дэлгэрэнгүй тайлбарлах байна.

1. Мэргэшсэн талентуудыг хурдан, үр дүнтэй сонгох

Хөдөлмөрийн зах зээл дээр мэргэжилтнүүдийг олох нь цаг хугацаа, нөөц шаарддаг урт процесс бөгөөд байгууллагууд үүнийг хөнгөвчлөх хэрэгцээтэй байдаг. Ламбда нь ур чадвар, туршлага, гүйцэтгэлийн амжилтыг нарийвчилсан шалгуураар үнэлж, хамгийн шилмэл талентуудыг хурдан бөгөөд үр дүнтэй сонгох боломжийг олгодог. Ламбда-д нийт бүртгүүлсэн талентуудын 64% нь бидний шалгуурыг давж, баталгаажсан байдаг. Энэ нь танай байгууллагад зөвхөн мэргэшсэн, ур чадвартай талентуудыг санал болгох үндэс болдог. Ингэснээр Ламбда нь танай байгууллагад шаардлагатай ур чадвар, туршлага бүхий мэргэжилтнүүдийг нэг бүрчлэн шалгаж, таны хэрэгцээнд нийцсэн хамгийн шилдэг талентуудыг танилцуулдаг. Энэ нь танай байгууллагын цагийг хэмнэж, хайлтын үйл явцыг хурдасгах Ламбда-ийн нэг гол давуу тал юм.

2. AI суурилсан ухаалаг шийдэл

Ламбда нь хиймэл оюун ухаан (AI) технологи ашиглан мэргэжилтнүүдийг оновчтой сонгох үйл явцыг боловсронгуй болгож байна. AI-ийн тусламжтайгаар, талент бүрийн ур чадвар, туршлага, амжилтыг нарийвчилсан дүн шинжилгээ хийж, хамгийн тохиромжтой мэргэжилтнүүдийг сонгоход тусалдаг. AI-ийн тусламжтайгаар, ур чадварын мэдлэг, ажилласан төслүүд, амжилт болон бусад олон хүчин зүйлсийг тооцож үздэг. Энэ нь эрсдлийг бууруулж, хамгийн өндөр ур чадвартай, амжилттай талентуудыг танай байгууллагад танилцуулж, байгууллагын амжилтыг дэмжих боломжийг олгодог.

3. Шилмэл талентыг ялгах боломжтой

Ламбда нь зөвхөн хамгийн шилмэл талентуудыг сонгон шалгаруулдаг. Ламбда-д бүртгэлтэй талентуудын 64% нь тусгай шалгуурыг давж, баталгаажсан байдаг. Энэ нь таны байгууллагад нэгдэх боломжтой мэргэжилтнүүдийн ихэнх нь өндөр ур чадвартай, мэргэшсэн байх болно гэдгийг баталгаажуулдаг. Ламбда-д нэгдэж, ажилд авах үйл явцад оролцож байгаа талентуудын ур чадвар, мэргэжлийн туршлага нь салбарын өндөр шаардлагад нийцэж байдаг. Энэ нь таны байгууллагад хамгийн сайн мэргэжилтнүүдийг олоход тусална. Бид танай байгууллагын шаардлагад нийцсэн мэргэжилтнүүдийг нарийвчилсан шалгуураар ялгах бөгөөд үр дүнд шилмэл талентуудын дунд зөв хүнийг сонгох боломжийг олгодог.

4. Цаг хэмнэнэ

Байгууллагууд шинэ ажилтнаа авах гэж маш их цаг зарцуулдаг. Энэ нь ажлын зараа түгээх, анкет шалгах, ярилцлага хийх зэрэг олон шаттай үйл явцыг агуулдаг. Ламбда нь энэ бүх үйл явцыг хөнгөвчлөх ухаалаг шийдлийг санал болгодог. Шинэ талент бүрийг нэг бүрчлэн шигшиж, ур чадварын болон туршлагын шалгуурыг баталгаажуулдаг. Тиймээс Ламбда нь таны цагийг хэмнэхээс гадна, үр дүнтэй, зөв хүнийг сонгоход чиглэсэн үйл явцыг хурдан бөгөөд бүрэн гүйцэт хангахад тусалдаг. Энэ нь таны байгууллагын хамгийн чухал шаардлага, ур чадварын тусгай шинжилгээнд үндэслэн хамгийн сайн талентуудыг шууд танилцуулах боломжийг олгодог.

5. Талентын судалгаа, шинжилгээний бүрэн үйл явц

Ламбда нь зөвхөн мэргэжилтнүүдийг шалгаж, баталгаажуулдаг төдийгүй, тэдний ур чадвар, туршлагыг судалж, үнэлж, хянадаг. Танай байгууллага Ламбда-тай нэгдсэнээр бүх талентын шаардлага, ажлын байрны тодорхойлолт, ур чадварын хүлээлт зэрэг бүх зүйлийг сайтар судалж, хамгийн тохиромжтой хүнийг сонгоход хялбар болох юм. Шилмэл талентуудыг зөв сонгохын тулд, Ламбда нь өөрийн үйл явцад дотоод шалгуур, туршлагын тестүүд, ур чадварын үнэлгээний олон аргачлалыг хэрэглэдэг. Үүний үр дүнд таны байгууллага зөв хүнийг сонгоход ямар ч эргэлзээгүй байх болно.

---

Ламбда бол байгууллагуудад шилмэл талентуудыг амжилттай, хурдан, үр дүнтэй сонгоход туслах ухаалаг шийдэл юм. Хэрэв та байгууллагадаа зөв хүн сонгохыг хүсч, цаг хугацаа, нөөцөө хэмнэхийг зорьж байгаа бол Ламбда нь таны хамгийн сайн түнш болох болно. Шилмэл талентуудыг сонгох, тэдний ур чадварыг хурдан баталгаажуулахад Ламбда танд туслах болно.

Унших: Хүний нөөцийн бодлого гэж юу вэ?