Author: Unuruu Ts

Өнөөгийн хөдөлмөрийн зах зээлд байгууллагууд ашигт ажиллагаа, өндөр гүйцэтгэлд анхаарахаас гадна ажилтны сэтгэл ханамж, урам зориг, ажлын орчны эерэг уур амьсгал зэрэг хүний нөөцийн зөөлөн хүчин зүйлсэд анхаарч байна. Учир нь илүү тогтвортой, бүтээлч хандлагатай, үр дүн өндөртэй байхын тулд ажилчид сэтгэл хангалуун байх нөхцлийг бүрдүүлэх шаардлагатай байдаг. Тиймээс ажилтны сэтгэл ханамжийг нэмэгдүүлдэг хүчин зүйлсийг дор жагсаавал:

1. Харилцаа, итгэлцэлтэй удирдлага

Ажилтан өөрийн санаа бодлоо чөлөөтэй илэрхийлж, түүнийг нь дээд шатны удирдлагууд түүнийг сонсож, үнэлдэг бол тухайн ажилтны ажлын сэтгэл ханамж мэдэгдэхүйц нэмэгддэг. Нээлттэй харилцаа бол хамт олны дунд итгэлцлийг бий болгож, ажлыг урамтай хийх нөхцөлийг бүрдүүлдэг.

2. Шударга, ойлгомжтой цалин урамшуулал

Хөдөлмөрийн үнэлэмж тодорхой, шударга байдал хангагдсан тохиолдолд ажилтны сэтгэл ханамж өндөр байдаг. 
Тодорхой урамшууллын систем, зорилтот нэмэгдэл, шинэ санаачилгыг үнэлэх бодлого нь ажилтны идэвхийг дэмждэг юм.

3. Ажлын ачаалал ба уян хатан байдал

Ажил амьдралын тэнцвэрийг дэмжсэн уян хатан цагийн хуваарь, зайнаас ажиллах боломж, илүү цагаар ажиллах шаардлагагүй байдал нь ажилтны стрессийг бууруулж, ажлаа удаан хугацаанд үр дүнтэй хийх боломжийг олгодог. Зарим байгууллагууд хугацаанд суурилсан гүйцэтгэлийн систем нэвтрүүлснээр энэ тал дээр ахиц гарч байна.

4. Хувь хүний хөгжил, дэмжлэг

Ажилтныг мэргэжлийн болон хувийн түвшинд хөгжих боломжоор тогтмол хангаж буй байгууллагуудын ажилтнууд илүү удаан хугацаанд тогтвортой ажиллах хандлагатай байдаг. Үүнд дотоод сургалт, менторшип хөтөлбөрүүд, гадаад сургалтад хамруулах боломж, албан тушаалын өсөлтийн тодорхой зам зэрэг нь ажилтны ур чадварыг сайжруулж, байгууллагад үнэ цэнээ мэдрэхэд түлхэц өгдөг байна.

5. Танигдах, үнэлэгдэх мэдрэмж

Аливаа ажлыг сайн хийсэн хүнийг цаг тухайд нь магтаж урамшуулах нь маш чухал. Ажилтан өөрийгөө үнэлэгдэж, байгууллагад үнэ цэнтэй гишүүн гэж мэдэрвэл тэр илүү их хүчин чармайлт гаргах болно. Үүний тулд  тухайн сарын шилдэг ажилтан, нийтэд талархал илэрхийлэх үйл ажиллагаа, урамшууллын хуудас зэргйиг хэрэгжүүлэх нь энгийн хэдий ч үр нөлөө өндөртэй байдаг.

6. Тайван, эерэг ажлын орчин

Ажлын байрны физик болон сэтгэлзүйн орчин ажилтны сэтгэл ханамжид ихээхэн нөлөөлдөг. Гэрэлтэй, цэвэрхэн, дуу чимээ багатай орчинд ажиллах, мөн хамт олны уур амьсгал эерэг байх нь ажлын бүтээмжийг дээшлүүлэх үндэс болох юм.

Сэтгэл ханамжийг нэмэгдүүлэхийн тулд байгууллага дараах зүйлсэд анхаарах шаардлагатай:

Ажилтнуудын сэтгэл ханамжийг нэмэгдүүлэхийн тулд байгууллага нь эерэг ажлын орчин бүрдүүлж, шударга, нээлттэй удирдлагын соёлыг төлөвшүүлэх шаардлагатай. Итгэлцэлтэй харилцаа, урамшуулал хүлээн зөвшөөрөлт, бодит ачаалалтай ажлын нөхцөл, уян хатан хуваарь зэрэг нь ажилтны сэтгэл ханамжид шууд нөлөөлдөг. Үүнээс гадна мэргэжлийн хөгжил, карьер ахих боломжийг хангах нь урт хугацаанд ажилтны үнэнч байдал, бүтээмжийг дэмжих сайн талтай.

Мөн ажилтны хийж буй ажлын утга учир, байгууллагын зорилго, үнэт зүйлтэй уялдаа холбоотой байх нь тэдний урам зоригийг нэмэгдүүлдэг. Тиймээс байгууллагууд зөвхөн гүйцэтгэлд анхаарахаас гадна ажилтнуудын сэтгэл зүйн хэрэгцээ, нийгмийн үнэлэмжийг ойлгож, бүтээлч, дэмжлэгтэй соёлыг бий болгох нь чухал юм.

Ажилтны сэтгэл ханамж нь зөвхөн цалин, ажлын байрны нэр хүндээр хязгаарлагдахгүй. Харин ч илүү өргөн хүрээтэй удирдлагын харилцаа, орчны уур амьсгал, хувь хүний хөгжлийн дэмжлэг гэх мэт олон талт хүчин зүйлээс хамаардаг. Сэтгэл ханамжтай ажилтнуудын тогтвор суурьшил өндөр, бүтээмж сайтай, хамт олны уур амьсгал ч эерэг байдаг нь олон судалгаагаар батлагдсан байдаг.

Мөн түүнчлэн ажилтнуудын сэтгэл ханамж нь байгууллагын тогтвортой өсөлт, бүтээмжтэй шууд холбоотой. Харилцан ойлголцол, шударга урамшуулал, уян хатан байдал, хөгжлийн боломж зэргийг зохистой хослуулсан орчинд ажилтнууд хамгийн сайн үр дүн гаргадаг.

https://lambda.global/feed таны ур чадварт нийцсэн, итгэл даах байгууллагуудын ажлын заруудыг нэгтгэн хүргэж, хөдөлмөрийн үнэлэмжээ хамгаалж, үнэ цэнтэй шийдвэр гаргахад тусална.

Унших: Ажилчдын сэтгэл ханамжийг нэмэгдүүлэх эерэг ажлын орчин

Ажилдаа явахдаа сэтгэл түгшиж байна уу?  Хэрэв тийм бол таны ажиллаж буй орчинд сөрөг уур амьсгал байж болохыг илтгэж байна. Ажил мэргэжил зөв сонголт байсан ч байгууллагын ажиллах орчны уур амьсгал тааруухан байвал таны эрч хүч, ур чадварыг сааруулж, ажлын үр дүнг бууруулах магадлалтай байдаг билээ.

Өнөө үед байгууллагын соёл, хамт олны харилцаа, ажилтны сэтгэл зүйд үзүүлэх нөлөөлөл зэргийг улам бүр чухалчилж байна. Иймээс ажил хайж буй эсвэл шинэ ажилд орохоор бэлдэж буй танд сөрөг уур амьсгалыг хэрхэн таних, түүнтэй хэрхэн харьцах талаар мэдлэгтэй байх хэрэгтэй юм.

Сөрөг уур амьсгалыг таних түгээмэл шинж

Хэт их стресс, дарамт мэдрэгдэнэ
Ажлын өдрүүд ямагт яаруу, амсхийх завгүй мэт санагдаж, түүнчлэн амралтын өдрүүдэд бүрэн амарч, эрч хүчээ авч чадахгүй байгаа мэдрэмжтэй байж болно.

Хамт олны хооронд итгэлцэл, дотно байдал үгүйлэгдэнэ
Хамтран ажиллагчид бие биенээсээ зайгаа барьж, багийн уур амьсгал хүйтэн, албаны шинжтэй болдог.

Удирдлага ажилтны санаа бодлыг үл тооно
Санал хүсэлт гаргасан ч хариу ирдэггүй, эсвэл ажилтнуудын санаачилгыг үл ойшоох хандлага давамгайлдаг.

Хов жив, сөрөг яриа давамгайлна
Ажлын орчинд эерэг уур амьсгал бүрдэхийн оронд бусдыг шүүмжилсэн, үл ойлголцол үүсгэх яриа давамгайлж эхэлдэг.

Ажилтнууд тогтворгүй ажиллана, байнга солигдоно
Шинэ хүмүүс байнга ирж, туршлагажихаас өмнө ажлаас гардаг нь байгууллагын соёлд асуудал байгааг илтгэдэг.

Сэтгэл ханамжгүй, урамгүй хүмүүс олон байна
Ажилтнуудын царайнаас ядарсан, залхсан байдал илт харагдаж, ямар ч урам зориггүй ажлаа хийж буй нь мэдэгддэг.

Амжилтыг үнэлдэггүй, талархал үг ховор сонсогдоно
Хичээл зүтгэлийг үнэлэхгүй байснаар ажилтнуудын идэвх буурч, илүү сайн ажиллах хүсэл төрөхөө больдог.

Эдгээр шинжүүдийг анзаарахад тань туслах нэг дохио бол ажилдаа явах хүсэлгүй болох юм. Өглөө бүр сэрээд л сэтгэлд хүнд бодол төрж, ажилдаа очихоос илүү зайлсхиймээр санагдаж байвал энэ нь орчны сөрөг уур амьсгалын илрэл байх магадлалтай.

Сөрөг уур амьсгалыг өөрчлөх боломжтой юу?

Мэдээж боломжтой. Доорх алхмуудыг өөрөөсөө эхлүүлснээр та зөвхөн өөрийн ажлын туршлагыг сайжруулаад зогсохгүй, хамт олондоо эерэг өөрчлөлт авчрах боломжтой.

Юуны түрүүнд, эерэг харилцааг өөрөөсөө эхлүүл. Өдөр бүр хамт олондоо найрсаг хандаж, талархлын үг хэлж, бусдад тусалснаар эрүүл уур амьсгал бий болох үндэс тавигддаг. Түүнчлэн, сэтгэлзүйн хүлээлтээ хянаж сурах хэрэгтэй. Аливаа зөрчил, ойлголцолгүй байдалд хэт сэтгэлээр унахгүй байж, хүлээцтэй хандаснаар өөрийгөө хамгаалж чадна.

Мөн, итгэлтэйгээр асуудлаа хуваалцах нь чухал. Удирдлагатайгаа ярилцаж, ажилтнуудын санал бодлыг нэгтгэх байдлаар асуудал дэвшүүлж болно. Үүний тулд баримттай, тайван хандлагатай байх хэрэгтэй.

Үүнээс гадна, амралтаа зөв зохион байгуулах нь чухал. Хэт ачаалалтай үед богино ч гэсэн завсарлага авч, бие сэтгэлээ тайвшруулах нь уур амьсгалыг өөрчлөх эхний алхам болдог. Мөн хамгийн гол нь, хувь хүний хил хязгаараа тогтоо. Хувийн амьдралаа хамгаалж, хэт их ажилдаа дарагдахаас сэргийлж, өөртөө цаг гаргах нь ажлын бүтээмжийг хадгалахад чухал байдаг.

Уншигч танд өгөх урам зориг, зөвлөмж

Ажил бол бидний өдөр тутмын амьдралын томоохон хэсэг бөгөөд таны сэтгэл зүй, бие махбодь, амьдралын чанарт шууд нөлөөлдөг хүчин зүйл юм. Тиймээс сөрөг уур амьсгалтай орчинд удаан ажиллах нь стресс, ядаргаа, сэтгэл гутралд хүргэж, амьдралын бусад талбарт ч сөрөг нөлөө үзүүлдэг тул энэ асуудалд анхааралтай хандах хэрэгтэй.

Өөрчлөлтийг гаднаас бус өөрийн дотоод сэтгэлээс эхлүүлж, эерэг өөрчлөлтөд тууштай хандах нь таны ажлын амьдралыг илүү аз жаргалтай, бүтээлч болгох хамгийн сайн арга зам болно. Хэрэв та дотоод мэдрэмжиндээ анхаарч, дээр дурдсан зөвлөмжүүдийг тууштай хэрэгжүүлбэл ажилдаа дахин дурлах, бүтээмжээ нэмэгдүүлэх, өөрийгөө илүү эрч хүчтэй, үнэ цэнтэй мэдрэх боломжтой болно. Мөн стрессээ илүү сайн удирдаж, хамт олонтойгоо эерэг харилцаа тогтоох, удирдлагатай илэн далангүй харилцах чадвар ч дээшилнэ.

Гэсэн хэдий ч, хэрэв нөхцөл байдал сайжрахгүй, таны эрүүл мэнд, сэтгэл зүйд сөргөөр нөлөөлсөөр байвал шинэ боломж эрж хайж, өөрт тохирсон, үнэлэгддэг, эерэг уур амьсгалтай байгууллагад ажиллах нь таны эрхэм үүрэг юм. Амьдралд өөрчлөлт хийхээс бүү ай, зоригтой алхам хийснээр таны карьер, амьдрал илүү гэрэлтэж, аз жаргалтай болно.

Сүүлд нь сануулахад, ажил бол таны амьдрал тэр чигтээ биш, харин аз жаргалтай амьдралын нэг хэсэг гэдгийг бүү мартаарай. Тиймээс өөрийн сэтгэл, эрүүл мэндээ хамгийн түрүүнд тавихыг зөвлөж байна.

Төстэй нийтлэл унших: Миллениал үеийнхний burnout

Та ажлаас халшрах хам шинж байгаа эсэхээ Lambda Burnout AI тестээр мэдэж, өөрийн сэтгэл зүйн байдалд дүгнэлт хийгээрэй.

Энэхүү тест нь зөвхөн өөрийнхөө ажлаас халшрах хам шинжийн түвшнийг тодорхойлох, өөрийн мэдрэмж, сэтгэл хөдлөлөө ойлгож үнэлэхэд зориулагдсан юм.

Та идэвхтэй ажил хайж, улмаар сонгон шалгаруулалтад тэнцэн, өөрт тохирох ажлаа амжилттай олсон бол одоо анхаарлаа нааш хандуулаарай.

Шинэ ажил эхлэнэ гэдэг бол таны өмнө шинэ боломжууд нээгдэж буй маш чухал үе юм. Гэхдээ шинэ орчин, танил биш хамт олон, үл мэдэх дүрэм журам дунд хурдан дасан зохицоно гэдэг амар байдаггүй. Тэр дундаа ажилтны сэтгэл ханамж, бүтээмжид шууд нөлөөлдөг чухал хүчин зүйл бол ажлын уур амьсгал бөгөөд түүнд хэрхэн дасан зохицох нь таны ирээдүйн амжилтад шийдвэрлэх үүрэгтэй юм.

Ажлын уур амьсгалын тухай

Ажлын уур амьсгал гэдэг нь тухайн байгууллагын харилцааны хэв маяг, ажилтнуудын хоорондын итгэлцэл, удирдлагын хандлага, хамтын ажиллагааны соёл зэрэг сэтгэлзүйн орчныг хэлнэ. Үүнийг өөрөөр тухайн байгууллагын нүдэнд харагдахгүй дүрэм ч гэж ойлгож болно. Тиймээс шинэ ажилд ороход зөвхөн ажил үүргээ сайн гүйцэтгэхээс гадна тухайн уур амьсгалд ухаалгаар дасан зохицох нь амжилтын үндэс болдог.

Шинэ орчинд дасан зохицох зөвлөмжүүд

1. Ажиглаж сурах нь дасан зохицох эхний алхам

Эхний өдрүүдэд илүүтэйгээр сонсож, ажиглаарай. Хамт олон хэрхэн харилцдаг, шийдвэрүүдийг хэрхэн гаргадаг, удирдлагын хандлага ямар байдаг, албан бус дүрмүүд юу болохыг анзаарах нь чухал. Энэ нь танай байгууллагын соёлыг таних эхний арга юм.

2. Нээлттэй, эерэг харилцааг санаачлах

Шинэ хүн бүрд танил биш гэдэг мэдрэмж төрдөг. Гэхдээ үүнийг эвдэх хамгийн үр дүнтэй арга бол нээлттэй, эелдэг харилцаа. “Сайн байна уу?”, “Баярлалаа”, “Тусалсанд баярлалаа” гэх энгийн үгсээр харилцаагаа эхлүүлснээр хамт олны итгэлийг аажмаар олж авах болно.

3. Асуухаас бүү санаа зов

Шинэ ажилтан байх үед бүх зүйлийг төгс ойлгох албагүй. Хэрвээ та эргэлзээтэй зүйл байвал, шууд асууж сурах нь зөв. Энэ нь таныг ажлын уур амьсгалд хурдан дасан зохицох, алдаа гаргах магадлалыг бууруулахад тусална.

4. Өөрийгөө танилцуулж, харилцаа тогтоох

Зарим байгууллагад шинэ ажилтанг албан ёсоор танилцуулах цаг гардаг ч заримд нь харин үгүй. Тиймээс өөрөө санаачлагатай байж, хамт олондоо өөрийгөө танилцуулж, бусдад хүндэтгэлтэйгээр хандах нь таныг хурдан хүлээн зөвшөөрүүлэх алхам юм.

5. Байгууллагын үнэт зүйлс, зорилгыг ойлгох

Таны ажиллаж буй байгууллага ямар үнэт зүйлд итгэдэг, ямар зорилготой вэ гэдгийг ойлгох нь таны ажилдаа хандах хандлагыг зөв байлгахад тустай. Энэ ойлголт нь таныг зөв харилцаа, зөв орчинд байршихад тусална.

Ажлын орчинд хамтран ажиллагсдыг хүндэтгэх, харилцаанд мэргэжлийн байж итгэлцэл үүсгэх, нүүр тулсан нээлттэй харилцаа зэрэг нь чухалд тооцогддог. Зарим тохиолдолд албан бус дүрэм, дотоод харилцааны соёл илүү давамгайлдаг тул зөн совинтой байх нь мөн чухал юм. Өөрөөр хэлбэл, аливаа зүйлийг ил хэлэхээс илүү уур амьсгалыг унших хэрэгцээ танд гарна.

Дасан зохицох нь цаг хугацаа шаарддаг

Үргэлж санаж байх нэг зүйл бол өөрийгөө шууд төгс уур амьсгалд оруулна гэж хэт хүчлэх хэрэггүй. Зарим хүмүүс нэгээс 2 долоо хоногт дасан зохицдог бол, заримд нь 3 сар шаардлагатай байдаг. Гэхдээ та өөрийн зүгээс чин сэтгэл, эелдэг хандлага, мэдрэмж, хичээл зүтгэл, соёлд нийцэх хүсэл зэргийг зөв үеүүдэд гаргаж чадвал цаг хугацаа өнгөрөх тусам та тухайн орчны нэгэн үнэт гишүүн болно гэдэгт итгээрэй.

Шинэ ажил эхлүүлэх нь танд сорилт төдийгүй өсөлтийн боломж юм. Та зөв хандлагатай байж, ажлын уур амьсгалыг ойлгож, хүндлэл дээр суурилсан харилцааг бүтээж чадвал энэ сорилтыг амжилтаар даван туулж чадна.

Унших: Карьерийн өсөлтөд networking (сүлжээ) ямар чухал нөлөөтэй вэ?

Талент та илүү олон карьер төлөвлөлтийн зөвлөгөө, туршлагыг LAMBDA BLOG -оос уншаарай.

Төстэй нийтлэл унших: Та ажил хайж байна уу? Тэгвэл өөртөө итгэхээс эхлээрэй 

Орчин үеийн байгууллагууд ажилтнуудын сэтгэл ханамж, урам зоригийг дэмжсэн эерэг, таатай ажлын орчинг бүрдүүлэх шаардлагатай болсон. Эерэг ажлын орчин гэдэг нь тав тухтай, тохижилт сайтай оффис биш, эрүүл харилцаа, ойлголцол, сэтгэл зүйн дэмжлэг, хүндлэл, мөн хамтын уур амьсгал зэрэг олон хүчин зүйлийн нэгдэл юм.

Эерэг ажлын орчны гол бүрэлдэхүүн хэсгүүд

1. Нээлттэй харилцаа, итгэлцлийг бий болгох

Ажилтнууд санал бодлоо чөлөөтэй илэрхийлэх орчин нь эерэг ажлын уур амьсгалын үндэс суурь болдог. Энэ нь харилцааг сайжруулах төдийгүй хамтын оролцоо, итгэлцлийг бэхжүүлдэг. Байгууллага нь тогтмол уулзалт, хэлэлцүүлэг зохион байгуулж ажилтнуудын дуу хоолойг сонсож, санал асуулга авч, асуудлыг цаг алдалгүй шийдвэрлэх замаар итгэлцлийг нэмэгдүүлэх хэрэгтэй.

2. Тохилог, цэвэрхэн орчин

Цэвэр цэмцгэр, гэрэл гэгээтэй, агааржуулалт сайтай орчин нь ажиллахад таатай, төвлөрөхөд дэмжлэг болдог. Амрах булан, цайны өрөө зэрэг ажилтны тав тухыг хангах байгууламжтай байх нь бүтээмжийг нэмэгдүүлдэг юм. Мөн эрүүл мэндийг дэмжих хөдөлгөөн, амралтын арга хэмжээ хэрэгжүүлэх нь бие бялдар, сэтгэл зүйд эерэг нөлөө үзүүлнэ.

3. Ажилчдын хөгжлийг дэмжих

Ажилтан бүрийн ур чадвар, мэдлэг байнга хөгжиж байх нь хувь хүний өсөлт төдийгүй байгууллагын амжилтын үндэс юм. Тогтмол сургалт, мэргэшүүлэх боломж, хувь хүний хэрэгцээнд нийцсэн хөгжлийн төлөвлөгөөтэй байх хэрэгтэй. Амжилтыг үнэлж, шагнал урамшуулал олгох, олон нийтийн өмнө алдаршуулах нь ажилтны урам зоригийг нэмэгдүүлдэг.

4. Ажил ба амьдралын тэнцвэрийг хангах

Ажлын цагийг уян хатан зохицуулж, гэрээс ажиллах боломж олгох, амралт чөлөөг нь дэмжих нь ажилтны сэтгэл ханамжийг нэмэгдүүлдэг. Мөн стресс тайлах хөтөлбөрүүд хэрэгжүүлж, сэтгэл зүйн дэмжлэг үзүүлэх нь урт хугацааны тогтвортой байдлыг хангахад тустай.

Яагаад эерэг ажлын орчин чухал вэ?

Сэтгэл хангалуун, тайван ажлын орчин нь ажилтны бүтээмжийг нэмэгдүүлж, төвлөрөл, бүтээлч сэтгэлгээг идэвхжүүлдэг. Ийм орчинд ажиллахад ажилтнууд илүү тогтвортой болж, ажлаа орхих магадлал багассанаар хүний нөөцийн зардал буурдаг байна. Мөн итгэлцэл, хүндлэлд суурилсан уур амьсгал нь багийн хамтын ажиллагаа, багаар ажиллах соёлыг хөгжүүлж, ажлын стресс, ядаргааг бууруулдаг бөгөөд сэтгэл зүйн дэмжлэгтэй орчин нь сэтгэл санааг тайвшруулж, ажилтны эрүүл мэндэд эерэг нөлөө үзүүлдэг.

Эерэг ажлын орчныг бий болгох зөвлөмжүүд

Нээлттэй, ойлгомжтой харилцааг дэмжих
Удирдлага болон хамт олон хооронд харилцааг ил тод, шуурхай байлгаж, тогтмол уулзалт, санал асуулга явуулах төдийгүй тухайн сэдвийн хүрээнд өдөрлөг зохион байгуулах.

Ажилтнуудын хувь нэмрийг үнэлэх
Хийсэн ажлыг нь талархан үнэлж, “Сарын шилдэг ажилтан” зэрэг хөтөлбөр хэрэгжүүлэх, олон нийтийн өмнө амжилтыг нь алдаршуулах.

Ажлын орчны нөхцөлийг сайжруулах
Гэрэлтүүлэг, агааржуулалт, тав тухтай сууц, чимээ багатай орчин бий болгох.

Ажил, амралтын тэнцвэрийг хангах
Ачааллыг зохистой хуваарилж, уян хатан цагийн хуваарь, амралтын өдрүүд, ажлын дараах хөнгөн арга хэмжээг дэмжих.

Өсөлт, хөгжлийн боломж олгох
Дотоод сургалт, семинар, урамшууллын тогтолцоо бий болгож, ажилтнуудыг үргэлж хөгжих боломжтой байлгах.

Эерэг ажлын орчин нь байгууллагын амжилтын гол хүчин зүйл бөгөөд энэ нь зөвхөн удирдлагын биш, хамт олны бүх гишүүдийн хамтын оролцоогоор бүтдэг. Хамтдаа харилцан хүндлэл, сэтгэл зүйн аюулгүй байдал, урам зориг дүүрэн орчинг бүрдүүлэхийг эрхэм зорилгоо болгох хэрэгтэй юм.

Унших: Цалингаа нуух уу, ил тод байлгах уу?

https://lambda.global/feed таны ур чадварт нийцсэн, итгэл даах байгууллагуудын ажлын заруудыг нэгтгэн хүргэж, хөдөлмөрийн үнэлэмжээ хамгаалж, үнэ цэнтэй шийдвэр гаргахад тусална.

Өдөр бүр бид нийгмийн харилцаанд оролцож, сонсож, ойлгуулж, бас бусдыг сонсож байдаг. Харин ажил дээр харилцаа зөв явагдахгүй бол санаачилга хэрэгжихгүй, багийн уур амьсгал хүйтэн, төслийн үр дүн бүрхэг болдог. Хөдөлмөрийн зах зээлд ажил олгогчдын хамгийн их үнэлдэг зөөлөн ур чадвар бол харилцаа юм. Ажлын ярилцлага, багийн хамтын ажиллагаа, харилцагчийн үйлчилгээ гээд амжилттай ажиллах бүхий л орчны үндэс нь харилцаанд оршдог.

Харилцааны ур чадвар гэж яг юу вэ?

Харилцаа гэдэг бол сонсох, ойлгох, хүндэтгэх, мэдрэх, илэрхийлэх олон хэлбэртэй ур чадвар юм.

Идэвхтэй сонсох — бусдыг таслахгүй сонсож, гол санааг ойлгож, эргүүлэн бататгах

Ойлгомжтой ярих — чухал санааг тодорхой, энгийн үгээр илэрхийлэх

Биеийн хэлээр харилцах — нүүрний илэрхийлэл, харц, дохио зангаа

Сэтгэл хөдлөлийн хяналт — сөрөг мэдрэмжийг зохицуулж, эерэгээр хандах

Зөрчлийг шийдэх чадвар — уян хатан, шийдэлд чиглэсэн байдлаар хандах

Яагаад энэ чадвар хэрэгтэй вэ?

Харилцааны ур чадвар нь хөдөлмөрийн зах зээлд хамгийн эрэлттэй чадваруудын нэг бөгөөд ажил горилогч, ажилтны хувьд карьерын амжилттай салшгүй холбоотой. Ажлын ярилцлагын үеэр өөрийгөө итгэлтэй, тодорхой илэрхийлэх нь ажил олгогчид таны чадамж, хандлагыг илүү ойлгомжтойгоор мэдрэх боломжийг олгодог. Мөн ажлын байран дээр багийн гишүүдтэйгээ зөрчил багатай, ойлголцолтой ажиллах, харилцагчийн итгэлийг олж авах, удирдлагатайгаа нээлттэй, үр дүнтэй харилцах нь ажлын бүтээмж, уур амьсгалд шууд нөлөөлдөг. Ийм эерэг, итгэлцэлтэй орчныг бүрдүүлэхэд зөвхөн юу хэлж байгаа нь бус, хэрхэн хэлж байгаа нь ч чухал. Үгний өнгө аяс, биеийн хэлэмж, сонсох чадвар зэрэг нь таны харилцааг илүү үр дүнтэй болгож, урт хугацааны мэргэжлийн харилцааг бүтээдэг.

Харилцааны ур чадвараа хөгжүүлэх аргууд

1. Өдөр бүр идэвхтэй сонсох дадал хэвшүүлэх

Ямар ч харилцаа зөв сонсохоос эхэлдэг. Яриаг нь анхааралтай сонсож, дахин хэлж баталгаажуулах нь бусдыг ойлгосон гэдгийг илтгэнэ.

2. Энгийн, ойлгомжтой, сэтгэлд хүрсэн хэлээр ярих

Ажлын орчинд тодорхой, хэрэгцээтэй мэдээллийг цэгцтэйгээр илэрхийлэх нь цаг хэмнээд зогсохгүй  харилцан ойлголцлыг сайжруулдаг.

3. Нүдээрээ харилцаж, эерэг дохио өгөх

Хамгийн хүчтэй харилцаа үгээр бус, харцаар дамждаг. Нүд рүү харах, инээмсэглэх, толгой дохих зэрэг дохио нь итгэлцлийг нэмэгдүүлнэ.

4. Илэрхийлэл, сэтгэл хөдлөлөө хянаж сурах

Уур, бухимдал, сэтгэл хөдлөлөө шууд гаргах нь мэргэжлийн бус харагддаг. Харин тайвнаар илэрхийлэх, шүүмжийг зөв хүлээн авах нь ур чадварын илрэл юм.

5. Зөрчилд ухаалгаар хандах

Харилцаанд санал зөрөлдөх үе зөндөө тохиолддог. Энэ үед “Би ойлгож байна, гэхдээ…” гэх мэт зөөлөн, нээлттэй хэлбэрээр ярих нь тааламжтай орчныг бүрдүүлдэг.

6. Ялгаатай хүмүүстэй харилцах туршлага хуримтлуул

Нас, хүйс, албан тушаал, үзэл бодлын ялгаа нь харилцааг сорьж байдаг. Харин үүнээс суралцаж, өөрийн хандлагаа уян хатан болгох нь өсөлтийг авчирна.

7. Цахим харилцаан анхаарах

И-мэйл, мессеж зэрэг бичгийн харилцаанд ч эелдэг, ойлгомжтой байх нь чухал. Товч тодорхой, мэргэжлийн, албан ёсны байдлыг хадгалаарай.

8. Өөрийгөө үнэлж, хөгжүүлэх боломжийг эрэлхийл

Сургалт, ном, подкаст, илтгэлийн клуб зэрэгт хамрагдах нь таныг өдөр бүр өөр түвшинд хүргэх болно.

Харилцааны ур чадвар гэдэг нь төрөлхийн биш хөдөлмөрөөр олддог чадвар юм. Таны өдөр тутмын дадал, өөрийгөө хөгжүүлэх хүсэл, бусдыг ойлгох оролдлого бүрийн цаана энэ чухал чадвар бий болдог. Аливаа ажилд таныг бусдаас ялгаруулах зүйл бол зөвхөн мэргэжлийн мэдлэг биш харин бусадтай харилцах ур чадвар байдаг юм шүү.

Энд дарж Lambda-гаар карьер замналаа тодорхойлуулаарай.

Илүү олон ажилд орох зөвлөгөө, ярилцлагад бэлтгэх арга, карьер хөгжүүлэлтийн мэдээллийг манай LAMBDA платформоос аваарай.  

Ажлын өдөр бүр бидний амьдралын ихэнх цагийг эзэлдэг учир, ажиллах орчин маань бидний сэтгэл ханамж, бүтээмжид шууд нөлөөлдөг зүйл юм. Тиймээс эерэг, дэмжлэгтэй, сэтгэл ханамжтай ажлын орчин бий болгох нь зөвхөн байгууллага төдийгүй ажилтан бүрийн хувьд чухал байдаг.

Эерэг ажлын орчин гэж юу вэ?

Эерэг ажлын орчин гэдэг нь тухайн газар ажиллахад хүн бүр өөрийгөө тав тухтай, дэмжигдэж байгаа мэдрэх, хамт олноосоо урам зориг авах, ажлын бүтээмжийг нэмэгдүүлэх нөхцөл боломж бүхий орчинг хэлдэг. Ийм орчинд стресс багатай, харилцаа сайтай, багийн уур амьсгал эерэг байна. Харин тухайн ажилтан ажлынхаа эргэн тойронд тав тухтай, сэтгэл хангалуун байх нь түүний бүтээмжийг нэмэгдүүлдэг.

Ажлын орчинг таны амжилтын тулгуур гэж хэлж болно. Учир нь:

Сэтгэл ханамжтай ажиллах: Хүн аз жаргалтай байж л өөрийн ажлын онцлогт бүрэн төвлөрч, илүү сайн үр дүнд хүрдэг.

Стресс багасгана: Стресс ихтэй газар ажиллах нь сэтгэл санаа, эрүүл мэндэд муугаар нөлөөлдөг. Эерэг орчин стрессийг бууруулж, эрүүл мэндийг хамгаална.

Бүтээмж нэмэгдэнэ: Хүний сэтгэл санаа сайжрах тусам ажлын бүтээмж сайжирдаг.

Багийн уур амьсгал сайжирна: Хамт олноороо нягт холбоотой ажиллахад байгууллагын амжилт нэмэгддэг.

Ажилтан хадгалах: Ажилтнууд сэтгэл хангалуун байвал байгууллагад удаан хугацаанд тогтвор суурьшилтай ажиллана.

Шинэ ажил хайж буй хүн тухайн байгууллагын ажлын уур амьсгал, орчны талаар урьдчилан бүрэн ойлголттой болох нь үргэлж амаргүй байдаг. Гэсэн хэдий ч дараах зүйлсэд анхаарснаар илүү бодит төсөөлөлтэй болж чадна.

Юуны өмнө тухайн компанийн соёл, үнэт зүйлсийг сайтар судлахдаа байгууллагын вебсайт, нийгмийн сүлжээ, ажилчдын сэтгэгдэл, танил талаас авах мэдээлэл нь чухал. Мөн ажил горилох үеийн ярилцлага нь орчны талаар мэдээлэл олж авах сайхан боломж юм. Хамт олон, менежерүүдийн харилцах байдал, оффисын уур амьсгалыг та анзаараарай.

Үүнээс гадна ажлын байрны физик орчин ч мөн анхаарах хүчин зүйл. Байрлал, тав тух, цэвэр байдал, гэрэлтүүлэг, агааржуулалт зэргийг ажиглах нь зүйтэй. Түүнчлэн ажлын цагийн уян хатан байдал нь ажил амьдралын тэнцвэрт байдлыг хадгалах, стресс бууруулахад чухал үүрэгтэй тул энэ талаар тодруулах нь зүйтэй юм. Ийнхүү нарийн ажигч, судалгаатай хандлага нь зөв байгууллагаа сонгоход тусална.

Эерэг ажлын орчинг бий болгох нь

Эрүүл, тав тухтай, дэмжлэгтэй ажлын орчин нь зөвхөн тохижилт, тоног төхөөрөмжөөр хязгаарлагдахгүй бөгөөд байгууллагын соёл, удирдлагын хандлага, ажилтны сэтгэл зүйг бүх талаар дэмжих шаардлагатай. Нээлттэй харилцаа, итгэлцлийг бий болгосноор ажилтнууд өөрсдийн санаа бодлоо чөлөөтэй илэрхийлэх боломжтой болж, эерэг уур амьсгал бүрдэнэ. Мөн ажлын байрны эрүүл ахуйн нөхцөл, тохижилт нь ажилтны сэтгэлзүй, бүтээмжид шууд нөлөөлнө. Үүнтэй адил, ажилтнуудын ур чадвар, хувь хүний хөгжлийг дэмжих нь байгууллагын өсөлт хөгжилд томоохон хувь нэмэр оруулдаг. Түүнчлэн ажил ба амьдралын тэнцвэрийг хадгалах нь ажилтны сэтгэл ханамж, сэтгэлзүйн тогтвортой байдлыг хангах үндэс болдог юм.

Эерэг ажлын орчин гэдэг нь зөвхөн тухайн байгууллагын хөгжил төдийгүй, ажилтан хүн бүрийн сэтгэл ханамж, эрүүл мэнд, бүтээмжийн суурь болдог. Хөдөлмөрийн зах зээлд ажил хайж буй хүн бүр өөрийн тав тухтай, дэмжлэгтэй орчинг эрэлхийлж, ажлын байрны сонголт хийхдээ эдгээр чухал хүчин зүйлсийг анхаарах нь зүйтэй юм.

Харин байгууллагууд ажилчдынхаа дуу хоолойг сонсож, зөв харилцаа үүсгэж, эрүүл ахуй, аюулгүй байдлыг хангаж, хувь хүний хөгжилд хөрөнгө оруулалт хийснээр илүү бүтээмжтэй, тогтвортой хөгжлийн замд гарах боломжтой билээ. Тиймээс эерэг ажлын орчныг бий болгох нь бүгдэд ашигтай бөгөөд хамтын амжилтын түлхүүр юм.

Төстэй нийтлэл унших: Ажлын байрны уур амьсгалд яагаад анхаарах ёстой вэ?

Ажилд орох зөвлөгөө, ярилцлагад бэлтгэх арга, карьер хөгжүүлэлтийн мэдээллийг LAMBDA блогоос уншаарай.  

Та өглөө ажилдаа явахдаа сэтгэл хангалуун, урам зоригтой байдаг уу? Эсвэл өдөр бүрийн эхлэл танд тухтай биш санагдаж байна уу?

Энэ асуултын хариулт таны ажиллаж буй орчны уур амьсгалтай салшгүй холбоотой билээ. Яг л байгалийн уур амьсгал улирлаар өөрчлөгддөг шиг, ажлын орчинд ч дулаахан, ажилчдаа дэмжсэн уур амьсгалтай байж болно, эсвэл хүйтэн, дарамттай байдал ч ноёрхож болох юм.

Ажлын уур амьсгал гэж яг юу вэ?

Ажлын уур амьсгал гэдэг нь байгууллагын дотоод соёл, хамт олны харилцаа, удирдлагын арга барил, ажлын орчны нөхцөл зэрэг нийтлэг хүчин зүйлсийн нийлбэрийг хэлдэг. Энэ нь ажилтнуудын сэтгэл ханамж, бүтээмж, ажлын байрандаа үлдэх эсэх шийдвэрт шууд нөлөөлдөг чухал ойлголт. Товчхондоо бол таны ажиллах орчны ая тух, сэтгэл ханамж юм.

Ажлын уур амьсгалын гол бүрдэл хэсгүүд

1. Хамт олны харилцаа – Бие биенээ хүндэлдэг, тусалдаг хамт олон ажлыг илүү бүтээмжтэй болгодог.

2. Удирдлагын арга барил – Удирдлагын шударга хандлага, ойлгомжтой чиглэл өгөх байдал нь итгэлцэл төрүүлдэг.

3. Ажлын орчин, тав тух – Аюулгүй, цэвэрхэн, бүтээлч уур амьсгалтай орчин төвлөрлийг нэмэгдүүлдэг.

4. Хөдөлмөрийн үнэлэмж – Сайн ажлыг үнэлж, урамшуулдаг тогтолцоо урам өгдөг.

5. Хувь хүний хөгжлийн боломж – Сурч хөгжих, шат ахих боломж нь карьерын өсөлтөд чухал байдаг.

Яагаад чухал вэ?

Ажлын таатай уур амьсгал нь сэтгэл ханамжтай ажиллах үндэс болдог. Өдөр бүр дуртай ажлаа хийх нь амьдралынхаа хагасыг баяр баясгалантай өнгөрөөж буйтай утга нэг. Ийм орчинд багийн бүтээмж эрс нэмэгдэж, ажилтнууд тогтвортой байдалтай, сэтгэлзүйн хувьд эерэг хандлагатайгаар ажилладаг нь судалгаагаар батлагдсан юм. Сайн хамт олон, ойлгож дэмждэг удирдлага нь стрессийг бууруулж, ажилтны сэтгэлзүйн эрүүл мэндийг дэмжих эерэг нөлөөтэй.

Ажил хайж буй хүмүүст зориулсан зөвлөмж

Хөдөлмөрийн зах зээлд ажлын байрны уур амьсгалыг урьдчилан мэдэхэд хүндрэлтэй байдаг ч дараах аргуудаар өөрт тохирох орчинг таньж, зөв шийдвэр гаргах боломжтой:

Ярилцлагын үеэр зоригтой асуулт асуух
Ажил олгогчоос “Танай хамт олны уур амьсгал ямар вэ?”, “Шинэ ажилтнууд хэрхэн дасан зохицдог вэ?” зэрэг асуултыг асууснаар тухайн байгууллагын дотоод соёл, хамт олны харилцааны талаар тодорхой ойлголт авч болно. Энэ нь зөвхөн таны сонирхлыг илтгээд зогсохгүй, байгууллагад хэр нийцтэй хүн бэ гэдгийг харуулдаг.

Өмнөх ажилтнуудын санал бодлыг судал
LinkedIn байгууллагын профайл, Facebook-ийн хуудас болон ажил хайдаг бүлгүүд, салбарын хүрээлэл, танил найзуудаасаа тухайн байгууллагын соёл, уур амьсгалын талаар асууж, бодит туршлагад суурилсан мэдээлэл аваарай. Бусдын туулсан туршлагаас суралцах нь эрсдэлээс сэргийлэх ухаалаг алхам болдог.

Өөрийн үнэт зүйлтэй уялдуулах
Таны хувьд ямар орчинд ажиллах нь хамгийн тохиромжтой вэ? Та бие даан шийдвэр гаргах боломжтой, уян хатан орчинд дуртай юу? Эсвэл багийн уур амьсгал, хамтын ажиллагаанд урам авдаг уу? Үнэт зүйлсээ тодорхойлж, тухайн байгууллагын соёлтой уялдуулах нь урт хугацаанд сэтгэл ханамжтай, тогтвортой ажиллах үндэс болдог.

Ажлын санал хүлээн авахаасаа өмнө эдгээр зүйлсийг нягталснаар та зөвхөн ажлын байр бус, өөрт тохирсон амьдралын хэв маягийг сонгож чадна.

Илүү олон ажилд орох зөвлөгөө, ярилцлагад бэлтгэх арга, карьер хөгжүүлэлтийн мэдээллийг манай LAMBDA платформоос аваарай.  

Ажлын ярилцлага гэдэг бол өөрийгөө хамгийн сайн талаас нь танилцуулах үнэ цэнтэй боломж юм. Гэхдээ заримдаа бид зөв хариулж байна гэж бодсон ч, ярилцлага авч буй хүн таны чадвар, туршлагыг бүрэн дүүрэн ойлгохгүй үлдэх үе бий. Энэ нь ихэнхдээ өөрийгөө тодорхой, нээлттэй илэрхийлж чадаагүйгээс болдог.

Өөрийн туршлага, ур чадварыг ойлгомжтой бөгөөд итгэлтэйгээр илэрхийлэх нь таныг бусдаас ялгаруулж чадна. Тиймээс энэхүү нийтлэлээр дамжуулан ажлын ярилцлагад итгэлтэй оролцож, өөрийгөө зөв харуулахад туслах үр дүнтэй аргуудыг Lambda тантай хуваалцаж байна.

Бэлтгэлтэй байх нь амжилтын үндэс

Ярилцлага бол та тухайн байгууллагын үнэт зүйлтэй хэр нийцэж байгаагаа харуулах хамгийн чухал мөч байдаг. Тиймээс байгууллагын үйл ажиллагаа, соёл, нээлттэй ажлын байрны шаардлага зэргийг урьдчилан судлаарай. Мөн өөрийн туршлага, ур чадвараас жишээнүүд бэлдэж, ямар нөхцөлд, яаж асуудлыг шийдсэн талаараа бодитоор ярих нь сонгон шалгаруулах шатанд итгэл төрүүлэх давуу талтай.

Товч, тодорхой хариулах

Хэт урт, тойруу хариулт нь анхаарал сарниулах, гол санааг ойлгуулахгүй байх эрсдэлтэй юм. Тиймээс гол санаагаа нэгээс хоёр өгүүлбэрт багтааж, дараа нь жишээгээр дэлгэрүүлэн тайлбарлах арга барилыг хэрэглэж яриарай. Ингэснээр таны яриа ойлгомжтой, уялдаатай буюу илүү цэгцтэй сонсогддог.

Эерэг өнгө аястай хандах

Ямар ч асуултад хариулахдаа эерэг хандлага, шийдэлд чиглэсэн сэтгэлгээг харуулах нь чухал юм. Хүнд нөхцөл байдалд орж байсан ч тэр үед юуг сурсан, хэрхэн давсан тухайгаа онцлох нь таны мэргэжлийн хандлагыг илтгэнэ. Сөрөг туршлагыг хүртэл эерэг сургамж болгон ярьж чаддаг хүн бусдаас ялгарч чаддаг.

Давуу талаа урам зоригтой илэрхийлэх

Ажлын туршлага, ур чадвараа ярихдаа өөртөө бүрэн итгэлтэйгээр, урам зориг дүүрэн хэлэх нь чухал. Танд байгаа аливаа чадваруудаа зүгээр нэг сайн гэж илэрхийлэхээс гадна ямар үр дүнд хүрч байсан талаар тоо баримттай ярих нь илүү эерэг сэтгэгдэл үлдээдэг.

Энд дарж хуучин анкетаа орчин үеийн форматтай мэргэжлийн CV/Resume болгоорой. 

Биеийн хэлэмж, харилцааны ур чадварыг ашиглах

Ярилцлага зөвхөн үгээр бус, таны биеийн хэлэмж, нүүрний хувирал, харц, инээмсэглэл зэрэг олон хүчин зүйлээс бүрддэг билээ. Хэт түгдэрч, санаа зовсон, сандарсан харагдах нь сөрөг сэтгэгдэл төрүүлж болзошгүй. Тиймээс эгц харж ярих, инээмсэглэх, тайван өнгөөр ярихыг хичээгээрэй.

“Та яагаад энэ ажилд тохирох вэ?” гэсэн асуултад бэлэн байх 

Ярилцлага бүрийн гол асуулт бол “Бид яагаад таныг сонгох ёстой вэ?” гэсэн асуулт байдаг. Энэ асуултад хариулахдаа өөрийн ур чадвар, байгууллагын хэрэгцээтэй хэрхэн нийцэж буйг, ямар үнэ цэн авчирч чадах вэ гэдгийг тодорхой хэлэх хэрэгтэй. Энэ бол өөрийн ур чадвар, туршлагаа борлуулах хамгийн чухал мөч юм.

Асуух асуултуудаа бэлдэх

Ярилцлагын төгсгөлд “Танд асуух зүйл байна уу?” гэж асуух нь түгээмэл. Харин үүнд “байхгүй ээ” гэж хариулах нь таныг идэвхгүй мэт харагдуулдаг. Тиймээс бизнесийн өсөлтийн төлөв, ажлын байрны өдөр тутмын хариуцлага, багийн соёлын талаар сонирхож асуух нь өөрийн идэвх оролцоо, сонирхлыг харуулах хамгийн сайн арга юм.

Ажлын ярилцлага бол өөрийгөө хэн болохыг ирээдүйн хамтран ажиллах хүмүүстээ харуулах тайз л гэсэн үг. Өөртөө итгэж, бэлтгэлтэй байж, ойлгомжтой, эерэг хандлагатай ярьж чадвал таны яриа бусдад хүрч, чадвар үнэлэгдэх болно. Хамгийн гол нь өөрийгөө бодитоор, итгэлтэйгээр илэрхийлэх нь таныг амжилтад хүргэх болно.

Талент та илүү олон карьер төлөвлөлтийн зөвлөгөө, туршлагыг LAMBDA BLOG -оос уншаарай.

Төстэй нийтлэл унших: Та ажил хайж байна уу? Тэгвэл өөртөө итгэхээс эхлээрэй